بامانة الله ياخــويانا الاواليد = الكل منــكم ياخـــويانا وليده



ياهل قفار اللي لكم تشهد البيـد=الطيب كل غارسه في حفيده



دار سكنبه نسل زيدان مع زيـد=وعلومهم عند النشــاما جديـده



ويامشيدين العلم للناس تشييد=ياهل العلوم الطيبات الحميـده



هذا المعلم مثل من يقنص الصيد=من لايبكر صيـدته مايصيـده



انتم حماة العلم عن جور تشديد=وتهــاون مفــرط ابد مايفيده



تخصصات العلم للعلم توريد=كل واحــد منـكم علومـه فريده



اخلاقكم للعلم شاهد وتوكيد=عـامين معـكم في حـياة سعيده



احد يعقد طالب العلم تعقيد=وأحــد يفتّح للعقــول البليدة



احد يردد مذوي العلم ترديد=إلى متـى وحـنّا الحـجـايا نعيده



لازم نجدد بعض الافكار تجديد=واهـدافـنا تحـتاج نضرة بعيده



ومعــلم بدا بوجــهه تجاعيد=يـقدم تقـاعديعـلنه بالجـريده



افتـح مجــال لجــيل لعـلّه يفيد=ريّـح بعمـرك كان باقـي شـريده



والله يسود وجه الا رهاب تسويد=ياشــينهم اهل القـلوب العنيدة



كم ايتمو طفل رضيع على الديد=وكـم طـفلة بقـت لحـاله وحـيده



النار مايكــفي بها بـس تخميد=لازم تشــيل الموقــدة والوقيدة



والفكـــر والافـكار تحتاج تفنيد=الـله هـو الـله كـود يـرزق عبيده



نحـتاج ثم نحـتاج دعم وتسنيد=اللي شــبع للشــر مـامـد أيده



وصلاة ربي عد من صلوا العيد=على الرسـول اللي صـفاته رشيده