يالله ياللي كل عقد تحله=يالله ياجياب طش الرشاشي

انك تعين اللي صبر صبر دله=دلة سنافي ماوقوده قشاشي

ياناس صبر حمود مااحد فطله=صبريأثر بالعظام الهشاشي

من جاه نعم مايملك عبرةله=قلب نظيف ووجه مابه غشاشي

تقول مبشر في ولد جاي له=الحزن عند حمود صار متلاشي

طلع غريمة قال أنا كافل له=عاش الشجاع حمود يالربع عاشي

ياعيال نايل نلتو الطيب كله=الشمري هلون وألا بلاشي

يامسجل التاريخ قله وقله=خذ السوالف نقد حاضر وكاشي

واللي يقول ان السلوم اضمحلة=قل شمر لازال فيهم عراشي

سويدات للبيضاء رجال تجله=بأطيب سلوم الناس فازو غباشي

أولاد صقر رجولة ماتملة=على مجال الطيب دايم عطاشي

قصيرهم عيّو يسكر محلة=فتحة كراج البيت مابة نقاشي

فالح يقول الباب هذاك خلة=وعيال نايل يفتحون القراشي

بيت العمودي كل حي يدلة=إبن هذيل اللي زهد بالمعاشي

الله يزيل أهل الرداء والمخلة=اللي يبون السلم ينهج طشاشي

اللي يغث البال عفن وعله=عفن ويفرش للعفون الفراشي

يقول هذا الراي مااحد يفله=مايدري إنه راي حاسد وواشي

والا ترى شمر جليل سجله=الشمري بالمرجلة مايخاشي

ياحمود فعلك مس قلبي وتله=صعق الأطباء قلب للأنتعاشي

الشمري هلون هلون بله =وألا يموت أتلاه قطعة قماشي