"حاصلة على ترخيص وزارة الثقافة والإعلام"
RSS Feed Twitter YouTube
سبق حائل | صحيفة إلكترونية???????

جديد الأخبار
جديد المقالات

مدار للسياحة

الدرسوني

الصفا





أطيب البن

تحفيظ

شركة حائل العقارية





19-09-1430 05:46 AM

[ALIGN=CENTER][SIZE=4]بمناسبة تكريم الدكتور الشيخ / ناصر بن إبراهيم الرشيد قال الشاعر نواف النهيّر العلوي هذه الأبيات :

الحمدلله متين الحبل والحيلا
حمد عدد رمل طعسن كان متهايل

شبو لنا النار زيدو بالقناديلا
الليله الفال قايم صرت متفايل

دقو لنا الهيل سوقو للفناجيلا
والعود فوق المداخن وصف متخايل

وعرضات للصبح بالحدب المصاقيلا
حواتم يتثنى كل متمايل

الليله الليله الحفله بابن ليلا
ولع فرح وابتهج به ياسما حايل

كل الجبل مبتهج حتى المساييلا
في شوف ناصر تخيلنا الجبل سايل

دكتور ماتشبه ألا بنّة الهيلا
يابو اليمين النديّة شاربك طايل

دكتور ماتشبه إلا ضافي السيلا
يابو الجبين الذي لهمومنا شايل

من واجهك مرّة مايشكي الويلا
من مد كف يهول مدها الهايل

ماتقدر تغير أطباعك بتبديلا
الا تشوف الجبل عن موقعه زايل

مخلوق آية كرم من غير تعليلا
حاتم زمانك أنااشهد انشد القايل

دكتور ماجاء بنفسك تذبح الخيلا
يوم ان شمر تخطرك مع بني وايل

دكتور ياللي ترحب بالمقابيلا
ماتنهره بل بنفسك تاصل السايل

ياللحية الغانمة حصلت تحصيلا
علوم الشرف كلها لعنانها نايل

حقك على أهل الجبل للراس تقبيلا
مامثل ناصر لنا ياهل الجبل ظايل

يالله تمهل لابن ليلا بتمهيلا
يالله يالمعتلي ياسامع السايل

حجلان حايل ونعمك من رجاجيلا
ياصار يوم كبير والصفا سايل

والحمدلله بظل للمشاكيلا
اخوان الأنور ذرانا وان لفا العايل

حكم ابو متعب معدل مايل الشيلا
والعز في شوفته وعقاله المايل

وولي العهد قايد جيوش الأساطيلا
هو ذخرنا ياتحيزم والعدو صايل

ونايف ليا قام مايرضى لنا الميلا
نايف كما الحر الاشقر بالسما جايل

وسعود حايل سعدنا وافي الكيلا
لحايل مشاريع عظمى زيد ياكايل

وعبدالعزيز السعد وان صار تفعيلا
ياقف وفي ياتبين كل متحايل

وعبدالله الخالد التطوير للجيلا
تطوير تطوير في تطوير في حايل

وصلاة ربي عدد من يزهم التيلا
على شفيع البشر في يومها الهايل [/SIZE][/ALIGN]

[ALIGN=CENTER][SIZE=3][COLOR=red]...........................................................

الشاعر / نواف نهير العلوي الشمري

حائل 16 / 9 / 1430 هـ[/COLOR][/SIZE][/ALIGN]

تعليقات 5 | إهداء 0 | زيارات 6311



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#8722 Saudi Arabia [السنعوسي]
1.25/5 (3 صوت)

19-09-1430 07:43 AM
صح لسانك ويستاهل ابن ليلا التكريم


#8723 Saudi Arabia [ابو ذيب العلوي]
1.00/5 (1 صوت)

19-09-1430 09:32 AM
صح لسان ابو مشعل

ويستاهل الممدوح



#8730 Saudi Arabia [الصداعية]
1.00/5 (1 صوت)

19-09-1430 04:15 PM
صح لسانك
كفو يستاهل ابن ليلا و يستاهلون الحجلان اهل لبده


#8742 Saudi Arabia [شيخ العليان]
1.00/5 (1 صوت)

19-09-1430 07:24 PM
كل قصيدة بعد قصيدة تكبر بعيوننا يا ابو مشعل




قصيدة رائعة لشخص يستاهل



ما قصرت يا نواف وهذا اقل ما يقدم لهذا الجبل الخير من شعار حائل


#8960 Saudi Arabia [صمت القوافي]
1.00/5 (1 صوت)

23-09-1430 05:34 PM
قصيد رائعه

ويستاهل الدكتور ابن رشيد المدح


الشاعر / نواف نهير العلوي
الشاعر / نواف نهير العلوي

تقييم
4.34/10 (349 صوت)


Powered by Dimofinf cms Version 3.0.0
Copyright© Dimensions Of Information Inc.

تركيب وتطوير : عبدالله المسمار