"حاصلة على ترخيص وزارة الثقافة والإعلام"
RSS Feed Twitter YouTube
سبق حائل | صحيفة إلكترونية???????

جديد الأخبار
جديد المقالات

مدار للسياحة

الدرسوني

الصفا





أطيب البن

تحفيظ

شركة حائل العقارية





27-10-1430 01:08 PM

[ALIGN=CENTER][COLOR=blue]عش العصافير[/COLOR][/ALIGN]

[poem=font=\"Simplified Arabic,5,black,bold,italic\" bkcolor=\"\" bkimage=\"\" border=\"none,5,gray\" type=0 line=200% align=center use=ex length=0 char=\"\" num=\"1,black\" filter=\"\"]
واوجودي كل ماجت علوم المشملين=وجد صقارٍ فقد طير وابطى مالقاه

بأول المقناص هده على خربٍ سمين=ممسيٍ لاعاد طيره .ولاهوّد دعاه

له زمانٍ بين روس النوايف بين بين= ملّت العالم وهو كن مفقوده ظناه

ماتقول الا خلوجٍ تهجرس بالحنين=والله انه يشعط القلب من وجده غناه

واوجودي من علومٍ تبيّح للكنين= آتشفقها وهي ضحكة القلب وشقاه

وجد شفقانٍ على الحج عودٍ قبل حين= تايبٍ لكن رجع في خطايا مع خطاه

واوجودي كل ماجيت أعد الطيبين=وجد من هو بآخر الصيف يبحث عن كماه

مستحيله وإن لقاها لقا ضيم السنين= لاعبٍ به .وارذل العمر سوّابه سواه

غير بالميّه ثلاث اربعه متمركزين=مثل غيدٍ شامخة تمنح العالم نماه

كيف ؟ أدوّر من يعينن على شوف الظنين=والبشر كل أغلبه مادها حالي دهاه

واوجودي يالله انك تعين الصابرين= بين غار ونار.ياصعب هذا عند هاه

والعمر محدود والظرف عيّا لايلين=مايذله سيف عنتر وسيف اللي وراه

ولايطيع النصح مهما يكون الناصحين=ولايقدر حبة الراس وخشوم وجباه

والله اني مؤمنٍ بالقدر مع مؤمنين=مار وجد اللي ظروفه تعوقه عن رجاه

واوجودي يآخر الليل واهلي نايمين=والهموم اقسى من الفقر من بعد الغناه

واوجودي كل مالبدر بالظلمى يبين=وجد مسجونٍ بقا واطلقوا كل خوياه

واوجودي كل ماسمع من المرضى ونين=وجد خيالٍ كسيرٍ على شهمٍ نخاه

واوجودي كل مأصبحت مدري وين وين=أتفرق والجهات أربعة واربع جهاة

وجد من داهم حلالة جيوشٍ طامعين=وقسّموه وروحوبه وخلوه بخلاه

واوجودي كل ماناح نواحٍ حزين=وجد من واعد حبيبه ومقسومه عصاه

واوجودي وجد رجلٍ عقيمٍ للجنين= واوجودي واوجودي وجودٍ ماوراه

يادواء حالي على شوفتك وجدي مكين=ياشفاء روح المتيم وياطعم الحياة

يعلم الله كل ساعة كأنه ليلتين=من فراقك والزوارق تنكد له هواه

ياكرز لبنان ياعين ريم الرافدين= ياهوى نجد العذية وياقايد ضباه

يادفى عش العصافير يالدر الثمين= ياركيزة كل الأغراء الطبيعي يامداه

وش بقى للي وعد واخلف الموعد سنين= في فؤادك ياشموخٍ تميّز في بناه

وأنتي ادرى بالقضية وقبل الجيم سين=ياقبال أهل الكرم ياشعاره ياوفاه

سامحيني يعلم الله رب العالمين= حاجتي لك حاجة الحي كله للمياه

ان سمحتي طيبة والعفو للطيبين= وان طلبتي حق. عربون عمري دوك ياه

حق راع الاوله مايقارن فيه شين= لاتحسبين اهتمامك بأسيرك كد نساه

ناحلٍ حالي غرامك.ولكن فدوتين= يابعد من عرق كفي بكفه في حماه

اعتقد شخصك منابع سعاده واكسجين= وفيك فتنة جاذبية وبلسم لسقماه

ماجداي الا الرسايل الين الله يعين= ارسله تاصل.وانا عاجزٍ وآعزتاه

عبر مافي الجو من ذبذباتٍ في رنين = وآهني الذبذبة وآهني اللي معاه

من يبشرني بشوفك على ماتشتهين= واشتهي يحرم علي حرم مانلحق جزاه

مستحيلة.وإن حصل:معجزة والعمر دين= أدري انه حلم يقضة ولله مابغاه

آه ياوجدي من الحب حول الشامتين= وجد أسيرٍ عند خصمٍ يبي يلعن ثواه

وآه ياوجدي على شوف من لامن:حزين= غارقٍ في حب من لايساوم في هواه

لعن ابو وقتٍ علي مال ميلة مبغضين= حدّني لافضال ناسٍ تغطرس في بهاه

علم الله لولا الايمان وإذنانة ظنين= وألأمانات الكثيرة بعنقي مع نماه

لاشتري كفني واحفر اللحد وإشهد ثنين= والعن الدنيا من الفه الى مابعد ياه
[/poem]
[ALIGN=CENTER][COLOR=red]..................................................

الشاعر : مطلق البخيتان

خاص لسبق حائل [/COLOR][/ALIGN]

تعليقات 6 | إهداء 0 | زيارات 937



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#10767 Saudi Arabia [فاهم]
1.00/5 (1 صوت)

27-10-1430 01:16 PM
صح لسانك .

أتشرف بأني أول الرادين

قصيدة مؤثرة جدا وعاطفيّة .


#10779 Saudi Arabia [الشمري]
1.00/5 (1 صوت)

27-10-1430 09:21 PM
واوجودي كل ماجيت أعد الطيبين=وجد من هو بآخر الصيف يبحث عن كماه

مستحيله وإن لقاها لقا ضيم السنين= لاعبٍ به .وارذل العمر سوّابه سواه

آه من هذين البيتين


#10780 Saudi Arabia [محمد]
1.00/5 (1 صوت)

27-10-1430 09:25 PM
صح لسانك

وأبيات قويّة وبها قساوة في الدنيا


#10794 Saudi Arabia [ابوبسام]
1.00/5 (1 صوت)

28-10-1430 03:54 AM
لعن ابو وقتٍ علي مال ميلة مبغضين= حدّني لافضال ناسٍ تغطرس في بهاه

علم الله لولا الايمان وإذنانة ظنين= وألأمانات الكثيرة بعنقي مع نماه

لاشتري كفني واحفر اللحد وإشهد ثنين= والعن الدنيا من الفه الى مابعد ياه


سمعتها في امسيتك بالمغواة .. فأبكتني كثيرا خاصة وانني أعلم كثيرا من اسرارها
فلله درك... اتمنى لك التوفيق والتيسير..والصبر طيب.



اخوك/ناصرحمودالبرجس


#10812 Saudi Arabia [مسالم]
1.00/5 (1 صوت)

28-10-1430 08:50 PM
يابو سالم قصيدتك والله تضيّق الصدر

نبي شئ يوسع الصدر القلب خضر


#11129 Saudi Arabia [تراك المشرف]
1.00/5 (1 صوت)

08-11-1430 12:49 AM
تسلم يمينك يابن بخيتان اشهد بالله انك شاعر سلمى لا وربي شاعر شمر لا وربي شاعر حائل واللي بيزعل يزعل
تحياتي لك ولسبق حائل


الشاعر : مطلق البخيتان
الشاعر : مطلق البخيتان

تقييم
3.92/10 (214 صوت)


Powered by Dimofinf cms Version 3.0.0
Copyright© Dimensions Of Information Inc.

تركيب وتطوير : عبدالله المسمار