"حاصلة على ترخيص وزارة الثقافة والإعلام"
RSS Feed Twitter YouTube
سبق حائل | صحيفة إلكترونية???????

جديد الأخبار
جديد المقالات

مدار للسياحة

الدرسوني

الصفا





أطيب البن

تحفيظ

شركة حائل العقارية





25-11-1432 11:40 AM

[poem=font="Simplified Arabic,5,black,normal,normal" bkcolor="" bkimage="" border="none,5,darkred" type=1 line=200% align=center use=ex length=0 char="" num="1,red" filter=""]
الموت حق وفارضه وال الاكوان= فرد صمد فوق السماوات عالي

آمنت بالمكتوب من جزل الاحسان= الخالق المعطي عزيز الجلالي

لكن وش الحيله مع دموع الأعيان= والضيقة اللي ماعليها احتمالي

يالسبت حزنك غير عن كل الاحزان= وهمومنا منك غدت كالجبالي

راح الوليده منبع الخير سلطان= راح الأمير اللي يشيل الثقالي

راح الوليده عالي الصيت والشأن = واظلم نهار الكون واعز تالي

مرحوم يارمز الوفا ياكحيلان= مرحوم ياراس الكرم والمعالي

مرحوم ياللي للمواجيب عنوان= مرحوم ياللي للطويلات نالي

مرحوم يامير ٍ له العز ميدان= مرحوم يانجم ٍ على راس عالي

يابو اليتيم وملتجى كل بلشان= يافزعة اللي حاجته ماتنالي

ياراسم البسمه على شفاه الاحزان= أضويت بافعالك جبين الليالي

يا علك بجنات خلد وغفران= برحمة الخالق مجيب السؤالي

يالله ترحم منبع الخير سلطان=هاك الأمير اللي يشيل الثقالي

وصلاة ربي عد همال الامزان= على نبي الحق زين الخصالي
[/poem]
زياد عكروش الضويلي

تعليقات 2 | إهداء 0 | زيارات 721



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#54047 Saudi Arabia [مشعل العايد]
1.50/5 (2 صوت)

26-11-1432 01:39 AM
الله يرحم الامير سلطان ويسكنه فسيح جناته وأموات المسلمين
ونعزي انفسنا في فقده

صح لسانك اخوي زياد


#54151 Saudi Arabia [فهد بن سعود الفليحي النومسي]
1.00/5 (1 صوت)

28-11-1432 01:28 PM
صح لسانك الشاعر زياد الضوسلي على المشاعر الصادقة اتجاه فقيد الوطن سلطان بن عبدالعزيز رحمه الله واسكنه فسيح جناته ولدي مشاركة ومجارات بهذه القصيدة التي
بعنوان كل الوطن حزّن على افراق سلطان

الحزن عم الشعب قاصي وداني
كل الوطن حزّن على افراق سلطان

سلطان بقلوب البشر له مكاني
كسب محبتهم على مر الأزمان

سلطان راع الجود راع الحساني
سلطان أبو خالد ماهو أية انسان

عن وصف أبو خالد يوقف لساني
مدري وش أقوله توقفت بحلان

يصعب أعد المنجزات السماني
من كثرهن مايعد فضله بحْسبان

أبا اختصر وأقول بعض المعاني
يشهد له اللي شاف فضله بالاعيان

راع المروه والوفاء والحناني
محدٍ عناله وعاد نادم وخسران

عساه لجنان ٍ وساع المباني
في جنة الفردوس الأعلى له اسكان

حقه علينا الدعاء والأماني
نطلب له الرحمه من الله غفران

والموت حق والله المستعاني
هذا طريق المنتهى شي وكدان

كل يمره بالوعد والزماني
محداٍ تركه الموت ناسي وغلطان

الأجل محتومًٍ لياحان حاني
أمره وتقديره من الرب سبحان

هذا طريق الحق يالمودماني
الباقي الله والفناء لكل ماكان

مر الفراق واقعه شي ثاني
بالنفس وإلا عندنا صادق إيمان

يالله عساه بجنة الخلد هاني
قولوا معي أمين أدعوا لسلطان

ويحفظ لنا أبو متعب معتلي بالمكاني
بجاه الذي يسجد له الأنس والجان

ويحفظ لنا آل سعود سر وعلاني
وعسى وطنا شامخاً فوق الأوطان

وحب الوطن وقيادته بالذهاني
متوارثن من يوم كنا وجدّان

الشاعر/ فهد بن سعود الفليحي النومسي
معرف قبيلة النوامسة بمنطقة القصيم


الشاعر : زياد عكروش الضويلي
الشاعر : زياد عكروش الضويلي

تقييم
3.28/10 (50 صوت)


Powered by Dimofinf cms Version 3.0.0
Copyright© Dimensions Of Information Inc.

تركيب وتطوير : عبدالله المسمار