مكارم عربية أصيلة يجسدها الأوفياء .. قبائل يام وهمدان في حائل الكرم .. عطــاء وبذل ووجاهة .. شمــــر تحتفي
سبق حائل ــ ( ماجد الطريفي و مشعل البركة ) ( خاص ) :
أقامت قبيلة شمر مساء هذا اليوم حفل عشاء تكريما لقبائل يام وهمدان والتي حضرت لمنطقة حائل لزيارة قبيلة الهمزان من شمر لإعتاق رقبة أحد أبناء شمر والذي يقبع بسجون نجران منذ مايقارب 18 عاما.
هنا في حائل مكارم عربية أصيلة يجسدها الأوفياء .. قبائل يام وهمدان في حائل الكرم .. عطــاء وبذل ووجاهة .. وشمــــر تحتفي
بهم في ليلة من لاتنسى.
الحفل بدأ بآيات من القرآن الكريم وبعد ذلك بدأت فقرات الحفل التي أعدت لهذه المناسبة من كلمات ترحيبية وقصائد وتوزيع دروع تذكاريّة .
أيضا تخلل الحفل كلمات وقصائد من الضيوف المحتفى بهم نالت إستحسان الحضور .
اليكم لقطات من الحفل .
الفيديو ... إنتظرونا
تم إضافته يوم الأربعاء 17/02/2010 م - الموافق 4-3-1431 هـ الساعة 12:53 صباحاً
بيض الله وجهك يا ابن سعيد عسى الله انك كفيت ووفيت انت وربعك
ونشكر شيوخ شمر جميعاً على حسن الضيافة والاستقبال لرجال يام وهمدان
وونشكر وقفه رجال يام وهمدان وهذا من طيبهم وكرمه .
[ذيب السلي] [ 17/02/2010 الساعة 1:53 صباحاً]
بيض الله وجيهم
ورجال يام يستاهلون التكريم
شكراً على التغطية الرائعة للحفل
[فهد ... الشرقيّة] [ 17/02/2010 الساعة 2:34 صباحاً]
تفعلون الطيب وهم يستاهلون .
أهالي ديرتنا ترفعون الراس
شكرا على هذه التغطية .... نتابعكم دوما .
[كحيلان] [ 17/02/2010 الساعة 3:22 صباحاً]
بيض الله وجيع بني يام
اللهم فك اسره وجمل شمر عند بني يام
سبق الله يستر عليكم جهود ملحوظة رالي وتغطية حفل ووووو يعطيكم العافية
[فاهم] [ 17/02/2010 الساعة 6:59 صباحاً]
يالله إنك لاتفشلهم
تكفون يالهمزان يا أهل النخوة اليوم يومكم قدر الله وماشاء فعل أعطوا الرجال مطالبهم وأجركم عند الله في يوم لاينفع مل ولا بنون .
شمر تكريمكم لهؤلاء الضيوف تاج على رؤوس الجميع شكرا لكم
بني يام أهلا وسهلا بكم وتستاهلون أكثر
[مللك] [ 17/02/2010 الساعة 8:22 صباحاً]
اتركونا من المدح الافاضي وشصار على الموضوع الي جايين لاجله سمحو ولا لا
اذا هم طيبين يسمحون والا الخيام كلن يعرف يحطه
[ستل جناحة] [ 17/02/2010 الساعة 8:31 صباحاً]
ياخي بدال ها الخرفان والمفاطيح وسهر الليل كان متنازلين عن الرجال ومعطين قبيلة يام طلبهم
الله يهديكم يا الهمزان وتنازولون
[حتماوي] [ 17/02/2010 الساعة 9:12 صباحاً]
بيض الله وجيهكم ياقبيله يام وهمدان ماقصرتوا تستاهلون اكثر
[الرشيدي] [ 17/02/2010 الساعة 12:13 مساءً]
بيض الله وجيه بني يام وهمدان
الله يحل اسره وينقذه انا لله وانا اليه لراجعون
يعطيكم العافية
[الولهان] [ 17/02/2010 الساعة 2:04 مساءً]
اللهم يامن يفك اسر المأسورين ويا راد يوسف على أمه فك اسر هاالشمري ورده إلى أهله سالما وتغمد الميت بواسع رحمتك
ولكن يااهل النخوة والطيب من جميع القبايل تكفون ثم تكفوا امسحوا دمعة أم ملفي إلي لها الآن ثمان سنوات موقفه( دمعته ) وسبب ولدها المجدوع بالسجن في مدينة الرياض ومحكوم عليه بالقصاص لوجود قصر تم تأجيل التنفيذ دون حياة أو سعي من إخوانه أو عمة الظالم وأولده الى أعلنوا زواجهم بعد القضية بعدة أشهر
والمشكلة ياخوان أنهم كل عيد سوا الفطر أو الأضحى يتجمعون هم وعمهم بالمزرعة بالحويظ ويطبخون وينفخون دون مراعاة لمشاعر هذه العجوز الى جالسة على سجادته تبكي وتدعوا إن الله بفك ( زايد )
تحياتي لكل راعي فزعة وخير
[حميدان السالم] [ 17/02/2010 الساعة 11:39 مساءً]
الله يبيضة وجيهكم ياقبيلة يام وهمدان عزالله كفيتو ووفيتوا
وذا الله كاتب له حياة يبي يعيش
وان شاء الله الهمزان يسمحون
[حايلي بالشرقيه] [ 17/02/2010 الساعة 11:42 مساءً]
بيض الله وجه كل يامي حضر عزالله ماللصعيبات ا لارجالها
وبيض الله وجيهك ياعزوتي شمر جملتونا عند الياميه
وعسى يارب الن الهمزان يسمحون 18 سنه هو ورى السجن
واحترامي سبق مدري تغطون المهرجانات ولا مخيم شمر
بارك الله فيكم
[عارف نفسي] [ 17/02/2010 الساعة 11:44 مساءً]
السلام عليكم
تفعلون الطيب وهم يستاهلون .
ونشكر شيوخ شمر جميعاً على حسن الضيافة
شكرا على هذه التغطية .... نتابعكم دوما .
[يالله عسى خير] [ 19/02/2010 الساعة 6:51 مساءً]
تكفوووون ياشمر تكفوووووون
ناخيييييكم العفو العفو
عوايد الرجال العفو عند المقدره
وانتو ماعليكم قصصور
جوكم رجال يام وهمدان من نجران
يطلبوونكم تكفوون اعفو
واكسبو اجر من الله
وريحو الام المسكينه تبكي ولدها
وفرحو يام واهل نجران ولاتفشلونهم
مكارم عربية أصيلة يجسدها الأوفياء .. قبائل يام وهمدان في حائل الكرم .. عطــاء وبذل ووجاهة .. شمــــر تحتفي
v2.0.5 