"حاصلة على ترخيص وزارة الثقافة والإعلام"
RSS Feed Twitter YouTube
سبق حائل | صحيفة إلكترونية???????

جديد الأخبار
جديد المقالات

مدار للسياحة

الدرسوني

الصفا





أطيب البن

تحفيظ

شركة حائل العقارية




الأخبار
الأخبار العامة
خاطبت أبنائه بالقصيدة ... مرثية الأميرة مهـا بنـت محمـد الأحمـد السـديري بزوجها فقيد الوطن نايف بن عبدالعزيز


خاطبت أبنائه بالقصيدة ... مرثية الأميرة مهـا بنـت محمـد الأحمـد السـديري بزوجها فقيد الوطن نايف بن عبدالعزيز
15-08-1433 10:39 PM

سبق حائل -- ماجد بركة المسمار :

إنتشرت قصيدة في مواقع التواصل الإجتماعي على الإنترنت نسبت للأميرة مهـــــا بنـــت محمــــد الأحمــــد الســــديري زوجة الفقيد الأمير نايف بن عبدالعزيز .

في هذه القصيده تخاطب أبنائه وتتذكر لحظات عاشتها مع الفقيد والأماكن التي جمعتهما مع بعض

نص القصيده :

العام يا ام سعود كان الحزن ضيف
واليوم دق اوتاده الحزن فينا ..
الحزن غيمه غيبت نجمه الصيف
وبااسباب جوره ياجواهر شكينا ..
غاب الحبيب ولا بقى للهنا طيف
والاه يانوره تهاوت علينا ..
كن الظهر ياسعود فيه انغمد سيف
والصدر صار لكل الاوجاع مينا ..
اقول يا محمد متى فارق وكيف
واصيح ياسارة متى هو بيجينا ..
يانوف من عقبه ترى بسمتي زيف
جف الفرح من حولنا وانطفينا ..
أبوك يانواف ماله تواصيف
وانشد مشاعل كان مثله لقينا ..
والكون ياهيفا بلا ظله مخيف
واعذر بكانا يافهد لو بكينا ..
كان القمر كان البحر والمجاديف
كان الحنان اللي بحضنه دفينا ..
وكان الملاذ لشاكي الضيم والحيف
كم شال عنا كم خذا عن يدينا ..
عاش ورحل كله مهابه وتشريف
جار الحرم فوق الحكي وان حكينا ..
والله لو كان المقدر على الكيف
ماغبت يا نايف ولا احنا ظمينا ..
كل مارخيت الجفن جدت عواصيف
والشوق ثار وفارقتني السكينه ..
وشفتك مثل شمس بروس المشاريف
نورك يناديني وانا اقول وينه؟ ..
والقاك واصحى والمحك راقي النيف
حي ولو صلت عليك المدينه ..
أحسك بجنبي *ماهي تخاريف
ياساكن عيون المهاة الحزينه ..
في ذا جلسنا بين صمت وسواليف
وفي ذا الممر اثنينا كم مشينا ..
وفي هالزوايا كم جمعنا مواليف
وياما على ذيك المرايا ضوينا ..
عشره عمر ماتنتهي بالصواديف
وذكرى تبي تحيا ولو مابقينا ..
الموت يانايف كتاب وتصاريف
وحنا بحكم اللي خلقنا رضينا ..

&& مهـــــا بنـــت محمــــد الأحمــــد الســــديري


تعليقات 11 | إهداء 0 | زيارات 10982

Y
W
تقييم
2.38/10 (83 صوت)


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook





التعليقات
#74387 Saudi Arabia [عاشق الفقيد]
1.50/5 (2 صوت)

15-08-1433 11:49 PM
صصح لسانك والله يرحمه ويسكنه فسيح جناتة امير الوطن


#74388 Saudi Arabia [عبدالله الشمري]
1.00/5 (1 صوت)

15-08-1433 11:55 PM
اميره بنت امير وزوجة امير
قصيده قويه ومعبره
رحم الله نايف ابن عبدالعزيز


#74389 Saudi Arabia [الشمري]
1.00/5 (1 صوت)

16-08-1433 12:01 AM
يااااااارب رحمتك
قصيدة حزينة معبرة بفقيد أمة


#74391 Saudi Arabia [المهاد]
1.00/5 (1 صوت)

16-08-1433 12:14 AM

ألا يامل عين عن لذيذ النوم مشطونه=وجار النوم عن موقه وزاد الويل والوالي
وحياة اللي تخضع له جميع الخلق يرجونه=فلا احسب الهوى يذبح لمني شفت انا حالي
انا توي عرفت ان المحبه زايد كونه=تسل الروح برموع له المعلوق ينشالي
نطحني فارع دالع يشوح الريح بقرونه=مغر يطرق القذله يحسب المطرق خالي
تذير يوم لاقيته وضف الراس بردونه=تذّير قلت لاتزمل انا المملوك يالغالي
غرير غر في زوله وعيني فيه مفتونه=مغر بالهوى توه غرامه لاح باقبالي اهداء الى الاميرة مها قصيد الشاعر الاشقر


#74395 Saudi Arabia [عاشق نفسه]
1.00/5 (1 صوت)

16-08-1433 01:09 AM
لا اعتقد ذلك لأن الأمير نايف مطلقها من زمان


#74396 Saudi Arabia [معلم محبوب]
1.00/5 (1 صوت)

16-08-1433 01:34 AM
لاحول ولا قوة الا بالله


يا هكذا تكون الزوجة والا فلا

صح لسانك وعظم الله اجرنا واجرك بفقيد الوطن


#74419 Saudi Arabia [طلال الحايلي]
1.00/5 (1 صوت)

16-08-1433 07:51 AM
بعض الزقرت جايين كل ابوهم الله يستر عليهم..اركدوا....
مها السديري مطلقة.. ما هي مرت نايف يعني ما هي على ذمته يوم يموت وتسببت بفضائح لها أول وماله آخر ومعروفة عند اللي يبخصون.

وراجع هالخبر المنشور بـ FRANCE 24 قبل شهر فقط من الآن، عن مها السديري وعدم تسديدها فاتورة فندق بقيمة 6 مليون يورو

أو أكتب بقوقل مها السديري باريس

http://www.france24.com/ar/20120605-ط§ظ„ط£ظ…ظٹط±ط©-ظ…ظ‡ط§-ط§ظ„ط³ط¯ظٹط±ظٹ-ظ†ط§ظٹظپ-ط¨ظ†-ط¹ط¨ط¯-ط§ظ„ط¹ط²ظٹط²-ط§ظ„ظ…ظ…ظ„ظƒط©-ط§ظ„ط¹ط±ط¨ظٹط©-ط§ظ„ط³ط¹ظˆط¯ظٹط©-ظپظ†ط¯ظ‚-ط¹ط¯ظ…-طھط³ط¯ظٹط¯-ظپط§طھظˆط±ط©-ط¨ط§ط±ظٹط³


#74427 Saudi Arabia [ابو سامي ]
1.00/5 (1 صوت)

16-08-1433 01:43 PM
اقول عيب هالحكي

مع نفسكم


#74428 Saudi Arabia [دخيل التميمي]
1.00/5 (1 صوت)

16-08-1433 03:29 PM

سيبقى اسم سيدي الأمير نايف بن عبدالعزيز محفورا في الذاكرة شئتم أم أبيتم فقد فعل

لكم الكثير والكثير الذي لن تمحاه ذاكرة التاريخ وأمنكم بعد خوفكم وجعل لكم اســـــما

عزيزا في كل المحافل والدول حتى خضعت لكم الأرقاب . واني أنصح لكم بالتوبـــــــة

الى الله تعالى وعدم الاستهزاء والشماتة خاصة وأنها ليست في محلها كما كان يفعله البلهاء



#74443 Saudi Arabia [هتوش]
1.00/5 (1 صوت)

16-08-1433 10:32 PM
ياماجد بركة أرجوا الإهتمام بالإملاء

خاطبت أبنائة والصحيح أبناءه

ارجو النشر


#74571 Saudi Arabia [ابوخالد]
1.00/5 (1 صوت)

18-08-1433 03:34 PM
الله يرحم الامير نايف ويسكنه الفردوس الاعلى
والإخوان اللي يقولون ان الامير نايف مطلقها فهذا الكلام غير صحيح فهي زوجة المرحوم ولم يطلقها
ولا تدخلوا بذمتكم شي يا إخوان لان الكلام محسوب على لسان كل واحد لان الكلام لا يقدم ولا ياخر
المهم ان الأميرة مها لم يطلقها الامير نايف وهذا كلام أكيد من أخوكم ولكم تحياتي يا إخوان



Powered by Dimofinf cms Version 3.0.0
Copyright© Dimensions Of Information Inc.

تركيب وتطوير : عبدالله المسمار