"حاصلة على ترخيص وزارة الثقافة والإعلام"
RSS Feed Twitter YouTube
سبق حائل | صحيفة إلكترونية???????

جديد الأخبار
جديد المقالات

مدار للسياحة

الدرسوني

الصفا





أطيب البن

تحفيظ

شركة حائل العقارية




الأخبار
الأخبار العامة
الأمير عبدالله بن خالد يرد على قصيدة الرثاء للأمير سعود بن عبدالله


الأمير عبدالله بن خالد يرد على قصيدة الرثاء للأمير سعود بن عبدالله
17-08-1433 12:59 PM

سبق حائل -- حسين السلامه :

رد الأمير عبدالله بن خالد بن عبدالله بن محمد مساعد رئيس الهيئة العليا لتطوير منطقة حائل على قصيده رثاء الامير الشاعر سعود بن عبدالله بن محمد في صاحب السمو الملكي الامير نايف بن عبدالعزيز - رحمه الله.


__________نايف_________

الراس شيّب من موادع عمامه
في هالسنه ودعت نايف وسلطان

يومٍ على العارض يخوف ظلامه
مات بصباحه عالي الراس والشان

تبكيك يانايف رياض وزعامه
ويبكيك يانايف شبابٍ وشيبان

علمتنا حب الوطن واحترامه
مسيرتك مجد ومعالي وبنيان

امن الوطن عينه وقلبه حزامه
اربع عقود يصد فتنه وعدوان

تنصر به السنه ويعرف كلامه
لاقال يفعل مايفكر بما كان

الله من قلبٍ تناثر حطامه
ماكن له غاليين بعده وخلان

راح الحنون الصعب جود وشهامه
اللي الى ضاقت بنا صار مزبان

يومٍ علينا غير يوم الرغامه
يومٍ كبيرٍ ما انتصر فيه شجعان

ليته خذا مني العمر له سلامه
قبل وداعٍ فيه للعمر نقصان


سعود بن عبدالله

الرد :

ياسعود ماينفع عتاب وملامه
راحو حزام الظهر ذربين الايمان

راحو مدلهة الغريب ومرامه
خيالة العوجا مدابيس الأكوان

راحو وكلٍ قام يربط حزامه
عقب النداوي كامل الوصف سلطان

شيخٍ يرّكِبها الجبل والعدامه
ما خارت عزوم اصوخ الراس شامان

وعقبه فقدنا شيخ نجد وإمامه
الصيرمي نايف عليه الرجا كان

بعد الله المعبود كان الزعامه
تستاهله زيزومها عالي الشان

يالعن ابو من لام فاقد عمامه
ياسعود من لامك من العقل فقران

راحو الذي فيهم نفك الجهامه
وبوجودهم تطرب قبائل وأوطان

لاشك امر الله ماضي حسامه
فينا وفقد اعمامنا خير برهان

نرجي من الله العوض والسلامه
وأبشرك صار العوض راس سلمان

واحمد عسى دايم رفيعٍ مقامه
ماصك من دون المحبين بيبان


عبدالله بن خالد


تعليقات 3 | إهداء 0 | زيارات 1775

Y
W
تقييم
3.38/10 (27 صوت)


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook





التعليقات
#74485 Saudi Arabia [أبو نايف]
1.00/5 (1 صوت)

17-08-1433 02:57 PM
الله يرحمهم و يرحم أموات المسلمين و يوفق الباقين


#74548 Saudi Arabia [عبدالرحمن الشمري]
1.00/5 (1 صوت)

18-08-1433 01:03 PM
مرحـوم شيـخٍ منهـج الطيـب مبـداه
حـاش العـلـوم الطيـبـه فــي حيـاتـه
حـاش العلـوم الطيبـه طيـب الجـاه
نايف هـــز أشـعـورنـا فـــي وفـاتــه
مات الشجاع و جنـة الخلـد مـاواه
مهما يعيش الشخـص هـذه نهاتـه
لو ينفـدي فـي غالـي الـروح نفـداه
و لـو ينفـدي بالـمـال نـفـدا ممـاتـه
ولـــو الـبـكـا يـعـيـد روحـــه بـكـيـنـاه
نبـكـي عـلـى شـيـخٍ قـلـيـلاً صـفـاتـه
ننـثـر غـزيـر أدموعـنـا مــا نـتـغـالاه
طــــول الـنـهــار و لـيـلـنـا مـانـبـاتـه
ننعى صليـب الـراي مـن حـر فرقـاه
ألـلــي عـــدوه دوم يـخـشـى أهـواتــه
شـيـخٍ كـريـم تفـعـل الـطـيـب يـمـنـاه
كــل العـلـوم الطـيـبـه مـــن سـمـاتـه
مـــأر الاجـــل مـحـتـوم والــدايــم الله
حـان الاجـل و كلمـة الـحـق جـاتـه
الله يـغـفــرلــه عــظــائـــم خــطــايـــاه
و يضفـي علـيـه برحمـتـه وبركـاتـه
يـرحـم فقـيـداً سـايـر الـنـاس تـنـعـاه
و يجعـل خلفنـا فـيـه يجـبـر عـزاتـه
يجعـل خلفنـا بشيخـنـا خـيـرة أبـنـاه
وأنت الخلف احمد وأحفظ وصاته
هـــذا خلـفـنـا بشيـخـنـا لا عـدمـنــاه
يجـبـر عـزانـا بـوالــده حـســن ذاتـــه




#74612 Saudi Arabia [عبدالله الشمري]
1.00/5 (1 صوت)

19-08-1433 02:05 AM
كفو والله
طلع المعدن الاصلي شيوخ وامراء ونعم والله
صح لسان الامير عبدالله بن خالد بن عبدالله
وصح لسان الامير



Powered by Dimofinf cms Version 3.0.0
Copyright© Dimensions Of Information Inc.

تركيب وتطوير : عبدالله المسمار