"حاصلة على ترخيص وزارة الثقافة والإعلام"
RSS Feed Twitter YouTube
سبق حائل | صحيفة إلكترونية???????

جديد الأخبار
جديد المقالات

مدار للسياحة

الدرسوني

الصفا





أطيب البن

تحفيظ

شركة حائل العقارية




الأخبار
الأخبار العامة
دعواتكم يامسلمين ..بندر الناصري التميمي .. محكوم عليه بالقصاص


دعواتكم يامسلمين ..بندر الناصري التميمي .. محكوم عليه بالقصاص
17-12-1429 11:46 PM

سبق حائل :

بندر الناصري التميمي
الذي يقبع بالسجن منذ سبع سنوات وقد صدر بحقه حكم شرعي بالقصاص عند بلوغ القصر من أبناء المقتول رحمه الله
راجياً من الله ثم من أبناء قبيلته خاصة والمسلمين عامة الدعاء له و الوقوف إلى جانبه وبذل ماباستطاعتهم أن يبذلوه من أجل عتق رقبته


وهذه قصيدة كتبها وهو في سجنه :
قـال التميمـي والتميمـي  بنـدر=دنياالفنـا لا بدهـا مـن دبورهـ
من عاش بالدنيـا سنيـن طويلـه=يشوف مايبحـث خفايـا امورهـا
تشـن غـاره وتبـحـث خفـايـا=ظلمها غطت في سمانـا بدورهـا
فـتـانـة عـجـابـة لـعـابـة=وسم الحيايا رايـب فـي ثغورهـا
تزخرفت للجاهـل اللـي تشوفـه=وأقبل لها نشوان يقطف زهورهـا
غرتني بزهـرة شبابـي ودهتنـي=أدهى دواهي الداهيه من دهورهـا
وأنا صغير السـن بالغـي غافـل=نشوانة روحـي بلجـة عطورهـا
فاجأتني ماتميـت عشريـن حجـة=لين أغرقتني في غياهب بحورهـا
جرالي من أسباب الليالي حـوادث=ونفسي توارت من عناها سرورهـا
وأصبحت في سجني دريك مجنـدل=في غبت صعـب علينـا عبورهـا
صبرت لين الصبر يانجـد ملنـي=ومزن الفرح شحت علينا بكورهـا
ياما سهرت الليل في هجعت المـلا=أبكي من صروف الليالي وجورها
عـزاه ياعـزاه ياحنـون تحنـي=وأرجي عظيم الشان يجبر كسورها
أمي عليها اليوم فاضت محاجـري=تزورني من عقب ماكنت أزورهـا
لولاها يابن صقيه ماضاق خاطري=ولا شكيت أيامهـا مـع شهورهـا
ماهبت من موتي ولابـي مخافـة=أصبر ولو صاليت حامي حرورها
على النقا مانيب من يجلـب الخنـا=كبوة جـواد واطحنتنـي بزورهـا
ذالي سبع سنين أصيـح وأنتخـي=وأبكي رجال دفنـت فـي قبورهـا
أصيح وأنخى واعتزي وأتعـزوى=في لابـة ماحسبـت لمخسورهـا
أنخـى نفـوس للمعالـي رفيعـة=يموت الردى طول المدى مايزورها
أنخى رجـال للصعيبـات ترتكـي=تسبق خطاويها ركايـب سبورهـا
أنخى ولـي لابـة تعشـق الثنـا=في ساحة الهيجا يشرف حضورهـا
أنخـى عشايرهـا وذروة سنامهـا=كواكب هـدي المسـاري بنورهـا
أنخى المعمر والعناقر وبني سعـد=اللابه اللـي للمـلا بـان دورهـا
وأنخى الشبارم والمعاضيـد كلهـم=هل الراي لامن ضاع للناس شورها
وأنخى الماضي والمزاريع ومن لهم=اللي غشت بيض المدايح قصورها
وأنخى على الفزعه جموع النواصر=الندر اللي من مجانـي اصقورهـا
وأنخى هل الحوطه هل المجد كلهم=عنابـر للضيـف تذبـح لخورهـا
سلايـل العنبـر مقاديـم عمـرو=مفنين جمع الترك ماضي عصورها
ياكرام اللحـى يالابـة العمرويـه=مقـادم للمـوت تفتـح صدورهـا
أنخاكم وأنخـى اللابـة الحنظليّـه=اللي مع الأفعـال توفـي نذورهـا
تميـم ياعـزي وياتـاج راســي=قبيلة محـد وطـا ظـل سورهـا
تميم يابحر الندى لطامـت العـدا=أنتم لها من يوم صكـت عسورهـا
من دوحة الأمجـاد لقفـار حايـل=نـدّر حـرار بالمعالـي وكورهـا
أنتم هل الفزعـات حفاظـة الشيـم=ياهل اليمان اللي طـوالٍ شبورهـا
يشهـد لكـم تاريخكـم والقبايـل=وصفحات مجد حافظين سطورهـا


اللهم فك أسره وأخرجه من ظلمات السجن إلى النور .
اللهم رده إلى والدته سالماً معافى.
اللهم انه لا يعجزك شيء وانت القادر على كل شيء نسالك الفرج القريب لبندر وكل محكوم بالقصاص


تعليقات 1 | إهداء 0 | زيارات 1430

Y
W
تقييم
4.72/10 (146 صوت)


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook





التعليقات
#4774 Saudi Arabia [عبدالله]
2.50/5 (2 صوت)

20-06-1430 03:15 PM
اللهم فك أسره وأخرجه من ظلمات السجن إلى النور .
اللهم رده إلى والدته سالماً معافى.
اللهم انه لا يعجزك شيء وانت القادر على كل شيء نسالك الفرج القريب لبندر وكل محكوم بالقصاص



Powered by Dimofinf cms Version 3.0.0
Copyright© Dimensions Of Information Inc.

تركيب وتطوير : عبدالله المسمار