"حاصلة على ترخيص وزارة الثقافة والإعلام"
RSS Feed Twitter YouTube
سبق حائل | صحيفة إلكترونية???????

جديد الأخبار
جديد المقالات

مدار للسياحة

الدرسوني

الصفا





أطيب البن

تحفيظ

شركة حائل العقارية




الأخبار
الأخبار الحائلية
السجل التجاري أصابه شلل رباعي ! ! !


السجل التجاري أصابه شلل رباعي ! ! !
13-03-1431 02:44 PM

سبق حائل ــ سعود الطريفي :

الكل يتذمر والمراجعين تعطلت أعمالهم بسبب
تعطل النظام وأصابته بالشلل بوزارة التجاره والذي عطل مصالح المواطنين

وعند سؤالنا للمسئول قبل ظهر اليوم بوزارة الصناعه والتجاره أفاد أنه متعطل على مستوى المملكه منذ أسبوعين0
ومن الغرابه يقول فقط منطقة القصيم فتح النظام الاربعاء الماضي ليوم فقط0

ونحن نحسن الظن
ولكن يجب التوضيح هل فعلا نظام وزارة مثل وزارة التجاره والصناعه معطل منذ أسبوعين؟

ومن هنا نطالب المسئول بفرع حائل ماذا فعلتم لهذه المشكله غير موضوع راجعنا بكرا ! !!

ومن هنا نطالب وزير التجاره أن كان لديه علم فهذه مصيبه وأن لم يكن لديه علم فالمصيبه أعظم!!
من هنا سوف يعلم وننتظر تصريحاته الموقره مع كل أحترامنا وتقديرنا له أن صرح أو لم يصرح !


تعليقات 8 | إهداء 0 | زيارات 1054

Y
W
تقييم
3.58/10 (95 صوت)


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook





التعليقات
#16646 Saudi Arabia [أبو أحمد]
1.00/5 (1 صوت)

14-03-1431 08:05 AM
لأخ سعود الطريفي

صح النوم .. الشعار اللي حاطة يخص الغرفة التجارية .. والموضوع يخص فرع وزارة التجارة ..

سلم لي على الصحافة والصحفيين ..


#16669 Saudi Arabia [ممدوح]
1.00/5 (1 صوت)

14-03-1431 08:04 PM
والله يا عرب أنه مافي أحسن من موظفين السجل التجاري لما عاود نظام الحاسب الآلي للعمل لهذا اليوم الأحد

أنا أشهد انهم ذيابه خصوصا موظف السجل التجاري ينقال له ( ابراهيم الشعيل ) و موظف قديم هناك بنفسم القسم ومختص بشركات وأظنه كويتي او خليجي عز الله انهم رجال عيال رجال

وفي له موظف خكري لاشاف المراجع هرب منهم وصار يوجه المراجعين لزملاه إلي الواحد منهم لا يعرف ارضه من سماه مادري وش اسمه بس انه قصير ولابس نظارات وله لحيه خفيفه وهذولا سبحان الله ماأدري شلون توظف السفيه

وماقصروا تجارة حائل وأولهم مديرهم / المهندس طلاع علي الطلاع الله يديمه ويحفظه لما فيه الخير




#16672 Saudi Arabia [اللواء ]
1.00/5 (1 صوت)

14-03-1431 08:33 PM
والله يا أخي: سعود الطريفي مافي أجود من هالإدارة أبد

وفعلا ماذكرالأخو / ممدوح عن ذاك الموظف القصير ابو نظارات ولحية خفيفة هذاك مايسوى صاع تراب ودايما مايذكر اخوي الكبير بهالموظف بـ ( حاروشي ) من كثر حشه ولمامته على زملاه الطقعان


#16698 Saudi Arabia [سالم ]
1.00/5 (1 صوت)

15-03-1431 03:31 PM
النظام اشتغل يوم الاحد واشهد ان الموظفين ماقصروا على قل عددهم
والله الحق يقال ان فرع وزاره التجاره افضل دائره حكوميه بحائل بغض النظر عن العطل



#16704 Saudi Arabia [hail my city]
1.00/5 (1 صوت)

15-03-1431 05:35 PM
والله ونعم بهالإدارة وعلى راسهم رئيسها الاستاذ / طلاع علي الطلاع وموظفين السجل التجاري وعلى رآسهم / ابراهيم القحطاني و مدير الحاسب الآلي / الأستاذ يوسف ابو خليـل


#16706 Saudi Arabia [طبيب ]
1.00/5 (1 صوت)

15-03-1431 05:40 PM
كفو والله من إدارة وعز الله أنهم أفضل إدارة بحائل بس لو شدو شوي على بعض المراجعين إلي معطينهم فوق حقهم


#16750 Saudi Arabia [ الاسلمي]
1.00/5 (1 صوت)

16-03-1431 06:22 PM


وزارة التـجـارة و الـصـنـاعة عز الله أنهم رجال وبيض الله وجيههم وسود الله وجه موظف خايس عندهم كان بالحاسب الآلي اظنه اسمه الـقـنـزوع إلي لخبط معاملتي وبسببه ضيعت معاملتي بمكتب العمل من كثر ماأتردد بين هالناقص ووعوده لي بأنه يصلح غلطته لمين جاني مدير الحاسب ابو طارق بذاك الوقت ((( حبـيــب الـغـيثـي )) ويخلص معاملتي ومعاناتي من شغل هالسفيه إلي اسمه القنزوع ولي كل مايشوفن جاي لنفس الموضوع يهرب

والله يا الطنايا مافي أحسن من موظفين وزارة التجارة بستثناء هالنقيصه لكن عموما الشكر موصول لمديرهم الأستاذ طلاع الطلاع


#16830 Saudi Arabia [راعي الأولة]
1.00/5 (1 صوت)

18-03-1431 07:27 AM
والله أني مستغرب من شيء شفته بوزارة التجارة الاسبوع الفايت ولما رجع نظام الحاسب الالي بعد انقطاع طويل وانغـصت هذه الادارة بالمراجعين علشان يطلعون سجلات تجارية ......... ماوقـف معهم وخدمهم وانهاء معاناتهم غير الموظفين إلي هم من بـره حائل وهم معروفين

عبدالرحمن سالم العيد راعي الدمام
وابراهيــم القحــطانـــــــي راعي المزاحمية بنجـد
والاستاذ : يوسـف الرشــيدي رئيس الحاسب الآلي

اماربعنا إلي من حائل جالسين يتفرجون أو تلقى الواحد ماهو بمكتبه او جالس عند اهله
وانا يا جماعة الخير من هالديرة و أعرف إذا أشتغل الواحد مننا بإخلاص وامانه مش نفاق و حقد و لي رابضيـن او منحاشين عن مهامهم الوظيفية (( وهم معروفين ومن أهل حائل بعد ؟؟؟!!!!! ) بس ماأقول غير اخييييه عليكم ! يوم جـا وقت الجد تعرفهم على حقيقتم ولي ببطنه ريح مايستريح ابدن

أنا كنت أبي أمدحهم كلهم قبل ماأكتب تعليقي بس أني ندمت لما أشوف ذيك الوجيه إلي تنجز المراجعين وذيك الوجيه إلي جايه بس علشان يوقعون على محضر الحضور و الأنصراف و باقي شغلهم على الفاضي أونفاق أو لمعارفهم بس / انا أقول الحق وان كنت حزين من ربعنا حقين حائل و الله يحفظ إلي ذكرتهم ومدحتهم من النفوس الشينه و الحاقده من زملاهم . أعرف أن كلمة الحق ماهي مرغوبة بزمن هذا بس لـزوم يجي اليوم إلي ينقال الحق أو يظهر

ارجو من الله تعالى لنا ولهم الصلاح و التوفيق

أما أنا رجال انهيت شغلي من عندهم مع عرض هالناس إلي خلصو اوراقهم وطلعو يدعون الله لهالإدارة بتوفيق بدنيا و الآخرة



Powered by Dimofinf cms Version 3.0.0
Copyright© Dimensions Of Information Inc.

تركيب وتطوير : عبدالله المسمار