"حاصلة على ترخيص وزارة الثقافة والإعلام"
RSS Feed Twitter YouTube
سبق حائل | صحيفة إلكترونية???????

جديد الأخبار
جديد المقالات

مدار للسياحة

الدرسوني

الصفا





أطيب البن

تحفيظ

شركة حائل العقارية




الأخبار
الأخبار الحائلية
جوازت حائل تؤخــر اجراءات مبتعثي حائل .. وجوازات القصيم تخلصهم .. ومطالب بتحسين الخدمة


جوازت حائل تؤخــر اجراءات مبتعثي حائل .. وجوازات القصيم تخلصهم  .. ومطالب بتحسين الخدمة
06-09-1431 02:25 AM

سبق حائل ــ فرحان المسمار :

طالب عدد من مبتعثي حائل عبر " سبق حائل " بتوصيل معاناتهم إلى المسؤولين بمنطقة حائل وعلى رأسهم أمير منطقتنا الغالي صاحب السمو الملكي الأمير سعود بن عبدالمحسن والمشكلة تتلخص بقيام بعض طلاب وطالبات حائل والمقبولين ببرنامج خادم الحرمين الشريفين حفظه الله للإبتعاث الخارجي بإكمال أوراقهم المطلوبة وتقديمها إلى المسؤولين بمدينة بريدة يوم الأحد الموافق 5 / 9 / 1413 هـ الساعة العاشرة مساء ومن ضمنها تجديد جوازاتهم . وعند ذهابهم لجوازات منطقة حائل يوم السبت 4 / 9 / 1413 هـ تم إبلاغهم بعطل الطابعة وانتظروا حتى نهاية الدوام دون فائدة .
ذهبوا للجوازات في اليوم التالي والوقت يداهمهم ولكن خلل الطابعة مازال موجود وألسنة المبتعثين تقول ... هل يعقل أن جوازات منطقة كاملة لايوجد بها إلاّ طابعة واحدة ؟.
إنتظرالمبتعثين ولكن مثل الأمس دون فائدة . المستقبل وهدية مليكنا الغالي يضيع والسبب جهاز الطابعة بجوازات حائل .
وخوفا من ضياع المستقبل إتجهوا في هذا الحر وهم صائمون إلى مدينة بريدة وجددوا جوازاتهم بكل يسر وسهولة هناك.



تعليقات 9 | إهداء 0 | زيارات 1184

Y
W
تقييم
2.49/10 (75 صوت)


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook





التعليقات
#25462 Saudi Arabia [فاهم]
1.50/5 (2 صوت)

06-09-1431 05:04 AM
يارجال حبة مني على جبين كل قصيمي .

والله لو الذي حصل عندنا عندهم لتقوم قيامتهم حتى يبعدوا مدير الجوازات .



والله مايصير لربعنا إلاّ كل شكر وتقدير


#25466 Saudi Arabia [جندي وموظفة]
1.00/5 (1 صوت)

06-09-1431 05:10 AM
حسبي الله عليهم والله اني ماشي للقصيم الساعة 11 وخلصت الجواز والله ماكمل ربع ساعة ومكتب العميد مفتوح اي مشكلة تعال وقله والله كبروا بعيني اهل القصيم ماهو مثل جوازاتنا جندي وينفخ عليك ولاتدري من تشكي عليه ياناس منطقة ادارية يوم السبت خربان الكمبيوتر اول النهار واخر الدوام خربانة الطابعة ويوم جينا اليوم يقول حدا الجنود يمكن تاخذيومين والا ثلاثة والي مستعجل يروح للقصيم

والكارثة الاعظم كلية التربية للبنات يوم ارسلوا لنا برنامج خادم الحرمين القبول والطلبات يوم الاربعاء كان من ضمنه السجل الاكاديمي بالغة العربية والانجليزية يوم راحت زوجتي لقت موضفة وتنفخ تقول ماتشوفون الزحمة تعالوا السبت يوم جينا السبت طلعت الحلوه غايبة ومقفله المكتب راحن للعميده ومنعتهم مديرة مكتبه تقول المره مريضة يعني وشتبون نسويلكم بعد ذلك تدخلت وكيلة الكلية الله يوفقه بهاالرمضان وقالت تعالوا بكرى بأذن الله تجي وعند الحضور ليوم الاحد ومن أوائل الحضور كانت المفاجئة بالموظفة الحلوة تقول الله يخذهم اللي فتحوا الابتعاث اشغلونا وعندما تكرمت ببداية الطباعة كانت المفاجئة الأعظم بدخول رأس الهرم بالكلية سعادة العميدة ومعاها ست بنات وتقول للموظفة يالله خلصي هذولي مستعجلات تدقيقهن اليوم بالقصيم والحلوة ماصدقت خبر والله والله ماطلعت زوجتي الا الساعة اربع العصر وموعد التدقيق ببريده الساعة 10 مساءوالمصيبة طلع السجل من غير ترجمه وبكل وقاحة تقول عاد وقعوه من يوسف الثويني ياناس اي يوسف الثويني الساعة اربع ومع ذلك كتمنا الغيظ وذهبوا الى د/ يوسف في منزله ووقع لنا بيض الله وجهه بعد ذلك توجهوا الى القصيم وسلمنا الوثائق من غير ترجمه وتحطم حلم العمر على يد جندي جوازات خربانة طابعته
وموظفة كلية ماله خلق
وعميدة للأسف أنها تحمل الا الآن درجة الدكتوراه
وتبون ابناء وبنات حائل يواصلون دراساتهم ويمسكون مناصب .
ياناس لنا ثلاث ايام وحنا نركض ورا سجل يطبع بمجرد ضغطة زر وجواز بالمدينة المجاورة بربع ساعة والله اننا شفنا القهر لكن حسبي الله ونعم الوكيل

ملاحظة ( قالت زينة الحلايا الي تبي سجل تلحقن للمكتب ويوم جت الساعة 3.30 وفيه بنت جالسة قالت انتي وش تخصصك قالت عربي قالت انا معندي الا اقتصاد وEوالبنت تنتظر من الساعة 10والتدقيق بنفس اليوم فما كان منها الا لأنه ضاع حلم العمر


#25468 Saudi Arabia [محمد الرشيدي]
1.00/5 (1 صوت)

06-09-1431 05:49 AM
ان عندي ولد عمي موظف في جوازات تبوك

على كونترل لاجانب يقول جالها واحد امريكي

وشاف الطابعة الي عندهم

وضحك سالوه الشباب الي عندهم وشفيك تضحك

رد عليهم وقال هذي الطابعة

قديمة كانت عندنا من زمان

(حتى المبنى الى عندنا بتبوك قديم)


#25477 Saudi Arabia [زلزالـ الطريفـ]
1.00/5 (1 صوت)

06-09-1431 12:25 PM
هاذي عادتهم جوازات حائل

ياالكمبيوتر عطلان ياالطابعه ياالنضام موقف

سبحان الله على قل مراجعاتي لهم ألا ألقاء شي عطلان عندهم

كله من (الأدارهـ) أما بقية الأفراد مالهم شغل بشي



#25487 Ireland [مبتعث]
1.00/5 (1 صوت)

06-09-1431 05:01 PM
نفس الحركه مع زوجتي العام الماضي
تأخرت عن موعدي في القصيم بسبب موظفات حائل
لكن تم تدقيق اوراقنا في الرياض .
وضعو يومين في الرياض لمن تأخر عن موعده
بس موظفين الرياض ما شاءلله عليهم تعاملهم جدا ممتاز
حتى االسجل الاكاديمي غير مترجم ترجمنه من مكتب المساعي
التوصيات ماحصلنا الا توصيتين اصلا مافيه الا دكتوتين وهم طالبين ثلاث
الله يعينكم بس


#25498 Saudi Arabia [استثناء]
1.00/5 (1 صوت)

06-09-1431 06:21 PM
اخس دوائر حكومية بحايل انا ذاك اليوم رحت للاحوال بحايل ابطلع كرت عائلة من الجدد معي قديم ويوم جيتهم قال لي الموظف لازم يكون عندك اضافة مولود وبعدين نطلع للك منين اجيب ملود يعني لازم تحمل زوجتك وتنتظر تسع شهور والله ياعاااااااااااااااااااااااااااااااااااااالم باحوال بريدة ماكملت عشر دقايق الا وهو معي مهزله بحايل مابعدها مهزله كونترول امانه لاتشفر شي من تعليقي امانه طلع


#25499 Saudi Arabia [حبي للقصيم ]
1.00/5 (1 صوت)

06-09-1431 06:25 PM
الله يسلمكم انا مشكلتي طويلة مع جوازات واحوال حائل في تجديد الجواز والبطاقة
واعدوني الله يسلمكم بعد خمسة عشر يوم لكل من البطاقة والجواز ورحت للقصيم وخلصت البطاقة باربعين دقيقة والجواز بعشر دقائق.


#25525 Australia [عبدالله]
1.00/5 (1 صوت)

07-09-1431 09:57 AM
امس رحت للجوازات بطلع جواز مشان برنامج الملك للابتعاث

صرفونن .. ومشيت للقصيم الساعة 10.30 الساعة 1 وهو بيدي ولا تنسون المشوار


#25536 Saudi Arabia [ابو مشعل]
1.00/5 (1 صوت)

07-09-1431 05:40 PM
أصلا جميع المعاملات في منطقة حائل معقده جدا جدا




وفي المناطق الاخرى تخلص معملاتك في وقت وجيز


أين المسؤول



Powered by Dimofinf cms Version 3.0.0
Copyright© Dimensions Of Information Inc.

تركيب وتطوير : عبدالله المسمار