"حاصلة على ترخيص وزارة الثقافة والإعلام"
RSS Feed Twitter YouTube
سبق حائل | صحيفة إلكترونية???????

جديد الأخبار
جديد المقالات

مدار للسياحة

الدرسوني

الصفا





أطيب البن

تحفيظ

شركة حائل العقارية




الأخبار
الأخبار الحائلية
بعد تنازله عن قاتل إبنه ... العلوي يهدي قصيدة للركاد


14-11-1431 06:40 PM

سبق حائل ــ فرحان المسمار :

قصيدة لشاعر المناسبات بحائل نواف نهير العلوي الشمري بمناسبة تنازل سعود الركاد عن قاتل إبنه قبل يومين .
قال الشاعر :

ألا يالفخر يالمجد سطر بتسطيرة
ترى عانقك رجل تفاخر به الشيمات

كفح بالجناح وطار يم العلا طيره
ونزل قمة يصطاد فيها من الجزلات

تنازل لوجه الله ماهو لاحد غيره
كتم غيظه وقال أبشرو ياهل الجاهات

ألا يا أسلمي تعيش ياطيب السيرة
ياساس الحياء والطيب والجاه والفزعات

ياربع اللحيسا والحمياء مع الجيره
فعايل فعايل ثابته مابها مجاجات

ابن فضل ابن ركاد ياسعود قال خيره
ولايجري إلا ماكتب ربك بصفحات

ألا يا أبو ابراهيم قل غيره
مفاجات ياهل الطيب مفاجات

لكنك كسبت الأجر والعلم بالديره
وقدرت أمير الدار له حق هو بالذات

وقدرت لجوفان الجنيدي مشاويره
وجوفان له مجهود بالجاه والجيات

ولفهيد هو وجديع للكل تقديره
هذولا شيوخ وأهل فزعة وأهل وقفات

وإبن نجم هو أخلص بجهده وتفكيره
وراء الوضع من له عدة شهور وسنيات

ولا قصر سعود أبو فيصل بتعبيره
مشى بأمر ابو متعب وحقق المسعات

وشمر على الجزلات ورد ومصاديره
وشمر هل المعروف والطيب والطولات

وكذا الشمري ياسعود مثلك على أميره
إذا جاه يطلب حاجة من طرف حاجات

وترى الشمري مايناسبنه معاذيره
لإنه على القمة ومخلوق للنخوات

وابن فضل فسر ياهل الطيب تفسيره
ونال المعالي نول بالفعل دون أصوات

وبعض البشر لو تطلبه دلو من بيره
ردي وفوق إنه ردي صاير شمات

لك الله فزت وصار لك بالجبل نيره
على روس أجا وسلمى ورمان بلا منات

من الله رب الخلق والكون ومديره
قلوب البشر بأصابع ربك كما السبحات

وصلوا على اللي جاب مجمل تباشيره
عدد مايقول الشمري تاهلا تهلات

( نواف بن نهير العلوي الشمري )


تعليقات 7 | إهداء 0 | زيارات 1225

Y
W
تقييم
3.77/10 (80 صوت)


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook





التعليقات
#28840 Saudi Arabia [ابو عجاج]
1.00/5 (1 صوت)

14-11-1431 09:41 PM
قصيدة جميلة ومعبرة 000 لاكن يبدوا ان الشاعر العلوي استعجل بكتابتها ففيها الكثير من الكسور 000 وضعف الوزن


#28846 Saudi Arabia [الحر الأشقر]
1.00/5 (1 صوت)

14-11-1431 10:52 PM
صح لسانك ورحم الله الميت ولاحرم الله أهله أجره .


#28861 Saudi Arabia [تعديل للبيات من الشاعرنواف العلوي]
1.00/5 (1 صوت)

15-11-1431 01:08 AM
ألا يا أبو ابراهيم ياسعود قل غيره
مفاجات ياهل الطيب إي والله مفاجات

وإبن نجم فضل أخلص بجهده وتفكيره
وراء الوضع من له عدة شهور وسنيات


ولا قصر سعود أبو فيصل بتعبيره
مشى بأمر ابو متعب وحقق له المسعات


وكذا الشمري ياسعود مثلك على أميره
إذا جاه يطلب منه حاجة من الحاجات


وصلوا على اللي جاب مجمل تباشيره
عدد مايقول الشمري ياهلا تهلات


#28866 Saudi Arabia [حائلي]
1.00/5 (1 صوت)

15-11-1431 02:05 AM
وترى الشمري مايناسبنه معاذيره
لإنه على القمة ومخلوق للنخوات


يارجل اتق الله الشمري وغير الشمري مخلوقين لعبادة الله سبحانه وتعالى


وجزاء الله ابن ركاد الف خير


#28870 Saudi Arabia [مستويه]
1.00/5 (1 صوت)

15-11-1431 02:41 AM
صح لسانك ورحم الله الميت ولاحرم الله أهله أجره


#28916 Saudi Arabia [بنت حائل]
1.00/5 (1 صوت)

15-11-1431 09:40 PM
صح الله لسان الشاعر المبدع دوماً
ودائماً يسطع نجمك في المواقف المشرفه
والشاعر ماقصدة شي بالبيت اللي قال فية
لان الشمري قمة ومخلوق للنخوات
الا انه والمعروف من قبيلة شمر خاصة واهل حائل عامة برفعة الراس والعلوم الطيبة بمثل هذة المواقف


#28933 Saudi Arabia [ذويبان]
1.00/5 (1 صوت)

16-11-1431 12:02 AM
صح لسان با ابن علوي


وتسلم على هالجزايل يا ابو مشعل




(ابو عجاج )تعلم القرايه وتعال يابابا

وجزى الله الشمري خير الجزاء



Powered by Dimofinf cms Version 3.0.0
Copyright© Dimensions Of Information Inc.

تركيب وتطوير : عبدالله المسمار