( قصيدة في بني عبس ) في سلام الله بني عبس نبداكم ***والورود البيض ياعبس نهديكم عبس بين الناس ياعبس محلاكم ***الله المعطي من الطيب معطيكم عز منهو لاذ ياعبس بحماكم ***وعزتي للي جهلكم يعاديكم حارق الخارق ذخرتوه لعداكم ***بالشجاعة كان عنتر يوصيكم والكرم شفناه ياعبس بقراكم ***والمخوة عرفه اللي يخاويكم مأسس بالطيب ياعبس مبناكم ***وللمعالي عبس طالت مساريكم الطنايا يابني عبس تنخاكم ***في مجال الطيب ياعبس يمديكم ليت عنتر حاضر اليوم جمعاكم ***أجزم أن انه على العفو يدعيكم وعنتره مامات وانا أتحداكم ***والله أنه عنتره واحدن فيكم والله إنه حاضر في محياكم ***الف عنتر لو تغيرت أساميكم ليت عنتر يسمعن يوم أنا أنخاكم ***والله الاّ يشلع القبر ياتيكم شمري (ن) طايحن يبي حسناكم ***إعتقوا راسه وزيدوا حسانيكم عشر وعشر وخمس بالسجن يتناكم ***مات مية مرتن من عزاويكم الف حبة خشم والفين للحاكم ***والملك واخوه سلطان يدعيكم والأمير سعود وده بلقياكم ***ونايف وسلمان كلن يحيكم ........................................ الشاعر : نواف نهير العلوي الشمري 20 / 1 / 1431 هـ

هذه القصيدة قالها الشاعر نواف النهير العلوي بمناسبة الحفل الختامي في قرية الخنقة لدى الشيخ / حجاج بن حجي بن مذود التريباني الشمري دهمان له حق لزوم علينا من شانهم نلغي جميع الدعوات دهمان ربع جدودنا المقدمينا دهمان ركن من ركون الدغيرات دهمان ردوا شوكة المعتدينا بمحاسهم تشبع جميع المجيعات دهمان له كل البشر شاهدينا ويشهد لهم بالفعل شيخ الطوالات وعند أبو يوسف كلنا حاضرينا حجاج طيبة في جميع المجالات امير ومثقف مع الواصلينا وله منطق مقبول مابه محابات وله نظرة ماهي نظرة حدينا وده يسوي للدغيرات حاجات من شان ماالكلمة تجي كلمتينا اقوى لنا عند الجموع الكبيرات وابغي أشكر اللي بحفلنا قايمينا دهمان بالوقفات دهمان وقفات في دولة بامن ورخى عايشينا في ظل أبو متعب وللشعب ميزات الشعب في شخصيته معجبينا اما الغلا والحب مافيه شكات وولي عهده له مكان مكينا بقلوبنا وسط القلوب المحنات عساه يكتب بالملا السالمينا ويرجع يزود في جميع المعاشات والنائب الثاني بساع يبينا ياصار بالمملكة نوع هزات وسعود بحايل نبيه ويبينا حايل وصل به للسماء والمجرات وله نايب عنده لفعله ظمينا عبد العزيز بن سعد له قرارات وصلاة ربي عدة المسلمينا على الشفيع اللي لفا بلفظيلات ................................................... أخوكم الشاعر الأستاذ / نواف نهير العلوي الشمري حائل 15 / 8 / 1430 هـ

بمناسبة تكريم الدكتور الشيخ / ناصر بن إبراهيم الرشيد قال الشاعر نواف النهيّر العلوي هذه الأبيات : الحمدلله متين الحبل والحيلا حمد عدد رمل طعسن كان متهايل شبو لنا النار زيدو بالقناديلا الليله الفال قايم صرت متفايل دقو لنا الهيل سوقو للفناجيلا والعود فوق المداخن وصف متخايل وعرضات للصبح بالحدب المصاقيلا حواتم يتثنى كل متمايل الليله الليله الحفله بابن ليلا ولع فرح وابتهج به ياسما حايل كل الجبل مبتهج حتى المساييلا في شوف ناصر تخيلنا الجبل سايل دكتور ماتشبه ألا بنّة الهيلا يابو اليمين النديّة شاربك طايل دكتور ماتشبه إلا ضافي السيلا يابو الجبين الذي لهمومنا شايل من واجهك مرّة مايشكي الويلا من مد كف يهول مدها الهايل ماتقدر تغير أطباعك بتبديلا الا تشوف الجبل عن موقعه زايل مخلوق آية كرم من غير تعليلا حاتم زمانك أنااشهد انشد القايل دكتور ماجاء بنفسك تذبح الخيلا يوم ان شمر تخطرك مع بني وايل دكتور ياللي ترحب بالمقابيلا ماتنهره بل بنفسك تاصل السايل ياللحية الغانمة حصلت تحصيلا علوم الشرف كلها لعنانها نايل حقك على أهل الجبل للراس تقبيلا مامثل ناصر لنا ياهل الجبل ظايل يالله تمهل لابن ليلا بتمهيلا يالله يالمعتلي ياسامع السايل حجلان حايل ونعمك من رجاجيلا ياصار يوم كبير والصفا سايل والحمدلله بظل للمشاكيلا اخوان الأنور ذرانا وان لفا العايل حكم ابو متعب معدل مايل الشيلا والعز في شوفته وعقاله المايل وولي العهد قايد جيوش الأساطيلا هو ذخرنا ياتحيزم والعدو صايل ونايف ليا قام مايرضى لنا الميلا نايف كما الحر الاشقر بالسما جايل وسعود حايل سعدنا وافي الكيلا لحايل مشاريع عظمى زيد ياكايل وعبدالعزيز السعد وان صار تفعيلا ياقف وفي ياتبين كل متحايل وعبدالله الخالد التطوير للجيلا تطوير تطوير في تطوير في حايل وصلاة ربي عدد --- يتبع

بعد جاه خادم الحرمين الشريفين وبعد جهد ومساعي الأمير سعود بن عبد المحسن أمير منطقة حائل عفا أبناء عماش العنيزان الشمري عن قاتل أخيهم لوجه الله تعالى وبهذه المناسبة قال الشاعر الحائلي نواف النهيّر العلوي هذه الأبيات : الموقف اللي يشرف صار ماطافي نلتو به الطيب كله يا اهل ضبيعة بشهر الفضيلة والأجر بعشرة أضعافي فايز ونواف تعبوا لاجل تسنيعة وماجد مع الوضع كنه يشبه اسعافي مجلا القبيلة ولا يبغون ترويعة وكل واحد من ظنا عماش مزهافي ابوي لوكان ميّت لازم نطيعة وكل العنيزان منقع طيب واشرافي لله لله ماشقتهم مطاميعه وقلوبهم والنوايا والهدف صافي والفعل هذا يشرّف لازم نذيعه شمر تفاخر بكم مابين الأطوافي فعل جزيل صحيح ماهو تلميعه من حظ شمر فعولة كود تنشافي شمر من الطيب ماتبطل مشاريعه الشمري كل يوم بطيبه لافي ياكثر مايحمل التاريخ توقيعه والخلق كله لهم بالطيب ميقافي لاكن شمر بزعمي هم ينابيعه وحياة من نزّل التوبة والاعرافي إن القبايل لهم مسهم بتوزيعه ................................................. الشاعر الأستاذ / نواف نهيّر العلوي الشمري 9 رمضان 1430 هـ